Вакыйгалар тасмасы
Белем күтәрү курслары
30 сентябрь, 2011 - 16:35
19 нчы сентябрьдән 29 нчы сентябрьгә кадәр мәгълүмати-методик үзәк базасында Яр Чаллы социаль-педагогик технологияләр һәм ресурслар институты белгечләре “Яңа укыту стандартлары кысаларында татар теле һәм әдәбияты укытуның актуаль проблемалары” дигән тема астында татар теле һәм әдәбияты укытучылары өчен белем күтәрү курслары үткәрде. 72 сәгатькә исәпләнгән курслар барышында татар теленнән иҗади үсеш технологиясенә корып төзелгән укыту-методик комплектлар, татар әдәбиятын укытуда А.Яхин системасы, Рәхимов технологиясен куллану үзенчәлекләре, әдәби әсәрләрне анализлау алгоритмнары, социаль-психологик анализ ясау үзенчәлекләре, Шадриков методикасы белән таныштык. Лекцияләрне Р.М.Исхакова, Р.З.Хәйдәрова, Л.В.Рәхмәтуллина, К.Д.Уляшев, Р.Г.Хәсәншина, З.М.Сафина укыды. Курсның җитәкчесе - институтның андрагогика кафедрасының өлкән укытучысы З.М.Сафина.
"Иң яхшы укытучы" конкурсы нәтиҗәләре билгеле
6 сентябрь, 2011 - 21:42
Республикакүләм үткән "Иң яхшы укытучы" конкурсының соңгы нәтиҗәләре билгеле. Татарстан Республикасы Мәгариф һәм фән министрлыгының 4227/11 номерлы боерыгы (1.09.2011) нигезендә районыбызның 8 татар теле һәм әдәбияты укытучысы бер ел дәвамында хезмәт хакына ай саен өстәмә түләү рәвешендә биреп барылачак бүләккә лаек булды.
Укытучыларның август киңәшмәсе
26 август, 2011 - 18:20
24-25 нче августта районыбызда укытучыларның традицион август киңәшмәсе үтте. Татар теле һәм әдәбияты укытучыларының Мөслим гимназиясе базасында үткән секция утырышында Удмуртия Республикасының Ижау шәһәре мәгариф идарәсе вәкилләре, шулай ук ут күршебез Азнакай районы мәгариф бүлегеннән дә кунаклар бар иде. Секция утырышы эшлекле формада узды. Пленар киңәшмә исә быел "Безнең яңа мәктәп" милли инициативасын тормышка ашыру кысаларында мәгариф муниципаль системасын үстерү" исеме астында үтте. Киңәшмәдә район башлыгы Ришат Хәбипов, ТР Фән һәм мәгариф министрлыгының милли мәгариф бүлеге начальнигы Р.К.Зиннәтуллин катнашты. Киңәшмәдә, традиция буенча, лаеклы ялга китүче укытучылар, яшь белгечләр хөрмәтләнде, фидакарь педагоглар район башлыгының, Россия Федерациясе, Татарстан Республикасының бүләкләренә лаек булдылар.
Соңгы кыңгырау бәйрәме
31 май, 2011 - 17:10
Бөтенроссия презентацияләр бәйгесе
26 апрель, 2011 - 22:30
2011 елның 21 февралендә (Халыкара туган тел көнендә) Җаваплылыгы чикләнгән “Белем.ру” җәмгыяте Татарстан Республикасы Мәгариф һәм фән министрлыгы, Арча муниципаль районының Кушлавыч төп гомумбелем бирү мәктәбе белән берлектә Бөтендөнья татар конгрессы ярдәме белән "Белем.ру" порталында татар халкының бөек шагыйре Габдулла Тукайның тормыш юлын, иҗатын, әсәрләрен яктырткан россиякүләм презентацияләр бәйгесен игълан иткән иде.
укырга
Әлеге конкурска Мөслим районыннан барлыгы 12 эш тәкъдим ителде. 23 нче апрель көнне җиңүчеләр Кушлавыч авылында бүләкләү тантанасында катнашты. Нәтиҗәләр куанычлы: бәйгенең “10-11 сыйныф укучылары, укытучылар һәм 1-2 курс студентлары арасында иң яхшы презентация” номинациясендә Мөслим 2 нче урта гомуми белем бирү мәктәбенең татар теле һәм әдәбияты укытучысы Җәлилова Гөлназ Илсур кызы III урынны яулады. Ул грамота һәм кыйммәтле бүләкләр, укучыларда Г.Тукай иҗатына кызыксыну уяткан өчен рәхмәт хаты алып кайтты. Шул ук мәктәпнең 6а сыйныфы укучысы Җәлилова Равилә (җитәкчесе: Җәлилова Г.И.), 3б сыйныфыннан Җәлилова Зөлфия (җитәкчесе: Галимәрдәнова З.Д.), 9а сыйныфыннан Галимәрдәнова Эльвина (җитәкчесе: Сабитова Ч.Р.), педагог-оештыручы Мәүлиева Г.Ф., бәйгенең лауреаты исеменә лаек булдылар, аларга "Белем.ру" порталының сертификаты тапшырылды.
"Дөнья бүген һәм иртәгә-2011" бәйгесе
26 март, 2011 - 15:40
Казан шәһәре "Балалар академиясе" исемле балалар иҗат үзәгендә мәгълүмати технологияләр кулланып башкарылган республикакүләм иҗади эшләр бәйгесенең йомгаклау тантанасы үтте. Бәйгегә барлыгы 715 эш тәкъдим ителгән. Мөслим районыннан 2 эш әлеге бәйгенең җиңүчеләр исемлегенә керде. Иҗат үзәгенә йөрүче балаларның бик матур чыгышлары белән үрелеп барган тантанада Мөслим 2 нче урта мәктәбенең 3 нче сыйныф укучысы Җәлилова Зөлфия (укытучысы Җәлилова Г.И.) "Могҗиза көткәндә" исемле мульфильмы, 4 нче сыйныфтан Асадуллин Айрат (укытучысы Асадуллина Йолдыз) "Ул көннәрнең даны мәңгелек" исемле видеоролигы белән конкурсының II дәрәҗә дипломына һәм кыйммәтле бүләгенә лаек булды. Укытучыларга бәйгенең грамотасы тапшырылды.
Мәгълүмати технологияләр кулланып эшләүче укытучыларның федераль бәйгесе
16 март, 2011 - 10:37
2010 елның 1 октябреннән 2011 елның 10 гыйнварына кадәр euro-ief.ru сайтында Укытучы проектларының федераль бәйгесе үтте. Әлеге конкурста барлыгы 1006 эш катнашып, "Туган тел" номинациясендә 37 проект көч сынашты. Безнең мөгаллимнәребез арасыннан бу конкурска Хәкимова Гөлнара һәм Җәлилова Гөлназ үз проектларын тәкъдим иттеләр. 1 мартта мәртәбәле жюри бәйгегә нәтиҗә ясады. Конкурста Хәкимова Гөлнараның "Якты йолдыз булып яна Әмәкәй күңелемдә" исемле проекты лауреат исеменә лаек булды. Җәлилова Гөлназның укучылары белән бергә эшләгән "Мөслим төбәге фольклоры" сайтына бәйгенең Мактау грамотасы тапшырылды.
Фоат Садриевка - 70 яшь
14 март, 2011 - 11:48
11 мартта язучы, драматург, ТРның атказанган сәнгать эшлеклесе, Г.Тукай исемендәге Дәүләт премиясе лауреаты Мөслим районының мактаулы гражданы Фоат Садриев 70 яшьлек юбилеен билгеләп үтте. Район мәдәният йортында узган юбилей кичәсенә язучының каләмдәшләре, аның иҗатын яратучылар җыелган иде.
Дәвамын укырга:
Фоат ага бик күп котлаулар, рәхмәт сүзләре, җылы теләкләр кабул итте бу көнне. ТР Дәүләт Советы рәисе Ф.Мөхәммәтшин юбиляр адресына Рәхмәт хаты юллаган иде. Анда мондый сүзләр бар: "Татарстан Республикасының мәдәни үсешенә үзегездән зур өлеш керткән өчен Сезгә зур рәхмәтемне белдерәм. Сезнең проза әсәрләрегездә чагылыш тапкан актив иҗат һәм иҗтмагый эшчәнлегегез, бай тормыш тәҗрибәгез укучылар арасында һәм әдәби даирәдә Сезгә карата зур ихтирам уятты. Сезгә киләчәктә дә ныклы сәламәтлек, озак еллар актив тормышта яшәвегезне, Сезгә һәм якыннарыгызга иминлек һәм уңышлар телим". Юбиляр шулай ук район җитәкчелегенең, ТР Дәүләт Советы депутаты, шагыйрь Р.Миңнуллинның, ТР Язучылар берлегенең һәм аның рәисе И.Ибраһимовның, матбугат үзәгенең, якташыбыз Равил Шәймәрдәновның, каләмдәш дуслары Разил Вәлиев һәм Туфан Миңнуллинның, М.Фәйзи исемендәге Оренбург дәүләт татар драма театрының, Сабир Өметбаев исемендәге Минзәлә татар дәүләт драма театрының, Әлмәт Язучылар оешмасының, Әлмәт татар дәүләт драма театрының һәм башка бик күп күренекле һәм хөрмәтле кешеләрнең, мөслимлеләрнең котлау телеграммаларын, Мактау кәгазьләрен һәм рәхмәт сүзләрен кабул итеп алды. Шагыйрьләр үзләренең хөрмәт һәм ихтирам хисләрен шигырь юлларына салганнар иде. Кичә Мөслимдәге бию коллективларының дәртле биюләре, үзешчәннәребезнең матур чыгышлары белән үрелеп барды.
"Белем җәүһәрләре - 2010" конкурсында
15 октябрь сайт тормышында зур урын алып тора.
